Кыргызстандын айрым аймактарында жылуулук берүү токтотулду

Ош жана Жалал-Абад облустарында жылытуу мезгили акырындык менен аяктап жатат. Бул тууралуу “Кыргызжылуулукэнерго” ишканасы билдирди.

Жергиликтүү ɵз алдынча башкаруу органдарынын буйругуна ылайык, 15-18 март күндɵрү тɵмɵнкү филиалдарда жылуулук берүү токтотулду:

“Оштогу райондор аралык жылуулук менен жабдуу өндүрүштүк бирикмеси” филиалынын 6 отканасы токтоду, калган 3 откана иштеп жатат;
“Жалал-Абаддагы райондор аралык жылуулук менен жабдуу өндүрүштүк бирикмеси” филиалынын бардык отканалары токтоду;
“Майлуу-Суудагы жылуулук менен жабдуу ишканасы” филиалынын бардык отканалары токтоду;
“Таш-Көмүрдөгү жылуулук менен жабдуу ишканасы” филиалынын бардык отканалары токтоду;

Белгилей кетсек, эгерде 5 күн катары менен орточо суткалык температура +8 градустан жогору болсо, жылуулук берүү токтотулат.

Автор: Бурул Турусбекова
Фото: Бурул Турусбекова