Кыргыз оор атлетчилери Таиланддагы лицензиялык мелдешке катышууда

Оор атлетика боюнча улуттук курама команда Пхукет шаарында (Таиланд) өтүп жаткан лицензиялык мелдешке катышууда. Бул тууралуу Спорт департаменти билдирди.

Мелдештер 27-март күнү башталган, 12-апрелде жыйынтыкталат. Эртең, 3-апрель күнү 73 килограммга чейинки салмакта Эльзар Таиров чыгат. Мелдештер Бишкек убактысы боюнча саат 10:30да башталат.

Курама команданын тизмеси:

- 102 кг Бекдөөлөт Расулбеков;

- 89 кг Эмил Молдодосов;

- 67 кг Ишимбек Муратбек уулу;

- 73 кг Эльзар Таиров;

- 96 кг Нурсултан Тармалов.

Курама команда башкы машыктыруучу Камбар Токтоналиев жана улук машыктыруучу Өмүржан Молдодосовдун жетекчилиги алдында мелдешке катышууда.

Лицензиялык мелдешке 109 өлкөдөн келген 409 спортчу катышууда.

Автор: Азат Бейшенбеков