Өзгөндө 17 жаштагы кыз көз жарды

Өзгөндө кош бойлуу өспүрүм кыз көз жарды. Бул тууралуу маалыматты Ош ОИИБинен тастыкташты.

Маалыматка ылайык, былтыр декабрда милицияга жашы жете элек кош бойлуу кыз боюнча маалымат түшкөн.

"2023-жылдын 15-декабрында Өзгөн райондук ички иштер бөлүмүнө 17 жаштагы кыз кош бойлуу экендиги тууралуу маалымат катталган. Бул факты боюнча тергөө амалдары жүргүзүлүп, тийиштүү экспертизалар дайындалган, жыйынтыгы менен кошумча маалымат беребиз", - деп билдирди облустук милициянын басма сөз кызматы.

Алдын ала маалыматтар боюнча, 17 жашар кыз апрель айынын башында төрөп, эне-бала төрөт үйүнөн чыгарылган.

Автор: Кылымбек Бейшеев
Фото: Интернеттен алынды