УКМК экс-депутат Жолдошбаев мамлекетке келтирген зыянды толук төлөп бергенин маалымдады

Мурдагы депутат Камчыбек Жолдошбаев мамлекетке келтирилген зыяндын ордун толук төлөп берди. Бул тууралуу бүгүн, 19-апрелде Улуттук коопсуздук мамлекеттик комитетинен билдирди.

Маалыматка ылайык, ал мамлекетке келтирилген зыяндын ордун, тагыраагы, 150 миллион сом төлөп берди.

Учурда тергөө иштери улантылып жатканы кошумчаланды.

Белгилей кетсек, 16-апрелде Биринчи Май райондук соту Жолдошбаевдин бөгөт чарасын карап, 19-июнга чейин камакта калтырган.

УКМК 22-февралда "Беш-Сары" ЖЧКсында ири өлчөмдө салыкты төлөөдөн качкан фактылар аныкталып, ага ээлик кылган Жолдошбаев кармалганын маалымдаган.

26-февралда анын бөгөт чарасы Биринчи Май райондук сотунда каралып, 19-апрелге чейин камакта калтырылган.

Автор: Кылымбек Бейшеев
Фото: Интернеттен алынды