Бүгүн, 29-апрелде Чүй, Ысык-Көл, Нарын облустарынын айрым жерлеринде, Ош, Жалал-Абад, Баткен облустарынын тоо этектеринде жана тоолуу райондорунда жаан жаап, күн күркүрөшү, бийик тоолуу райондордо кар жаашы күтүлөт. Ош, Жалал-Абад, Баткен жана Талас облустарында жаан-чачын күтүлбөйт. Бул туурасында Кыргызгидромет билдирет.
Абанын температурасы:
Чүй өрөөнүндө +15…+20 даража,
Талас жергесинде +12…+17 градус болсо,
Баткен аймагында +18…+23кө чейин жылыйт.
Ош, Жалал-Абад облустарында +18…+23,
Ысык-Көл дубанында +13…+18,
Нарын облусунда +14…+19.
Ал эми борбор калаа Бишкекте жаан-чачын күтүлбөйт. Абанын температурасы +17, +19 градус болот.