ЭЛДИК КАБАРга жооп: "Ош-Бишкек багыты боюнча каттамдар үч саатка кармалууда"

Бүгүн, 3-майда окурман ЭЛДИК КАБАР бөлүмүнө кайрылып, Бишкек-Ош багытындагы аба каттамы кармалып жатканын айткан.

"Учактын бузулганынан улам эки сааттан ашык убакыттан бери учакта отурдук. Эми гана залга кирдик", - деген окурман.

"Манас" эл аралык аэропортунан SUPER.KG порталына маалымдагандай, TezJet авиакомпаниясынын Ош-Бишкек багыты боюнча каттамдары үч саатка кармалууда.

"Кечигүү учактын техникалык себептеринен келип чыккан. Бардык каттамдар үч саатка кармалууда", - деп билдиришти аэропорттун маалымат кызматынан.

Автор: Айпери Бакталбек кызы
Фото: интернеттен алынды