Жиу-житсу боюнча Азия чемпиондугунда кыргыз спортчулары 7 медаль тагынды

Жаштар арасындагы жиу-житсу боюнча Азия чемпиондугунда кыргыз спортчулары байгелүү орундарга ээ болушту. Бул тууралуу Дене тарбия жана спорт департаменти билдирди.

Билдиргендей, өлкөнүн жаштар жана кадеттер арасындагы курама командасы Бириккен Араб Эмираттарынын Абу-Даби шаарында өткөн турнирде 7 коло медалга ээ болушкан.

Жеңүүчүлөрдүн тизмеси:

Султан Русланбеков (U-18, 69 килограмм);
Салим Хунлов (U-18, 77 килограмм);
Янар Сарыбаев (U-18, 85килограмм);
Имран Магомедов (U-21, 85 килограмм);
Нурсултан Куштарбек уулу (чоңдор жана жаштар арасында 2 коло медаль жеңди, 62килограмм);
Жангазы Курманбеков (U-21, 94 килограмм).

Ошондой эле аталган департамент Азия чемпиондугу 3-майда башталып, 8-майда жыйынтыкталганын, мелдешке 30га жакын өлкөнүн спортчулары катышканын кошумчалады.

Автор: Кылымбек Бейшеев
Фото: Дене тарбия жана спорт департаменти