Жыргалаң суусуна 7 жана 8 жаштагы эки кыз түшүп кетти

Ысык-Көл облусундагы Жыргалаң суусуна түшүп кеткен 2 кыз 18-майдан тарта куткаруучулар тарабынан изделүүдө. Бул тууралуу Өзгөчө кырдаалдар министрлигинен билдиришти.

Бүгүн, 19-май күнү да издөө иши уланып, ага Каракол шаардык өрт куткаруу бөлүгүнөн 37 куткаруучу, облустук башкармалыктан 1 куткаруучу дрон жана 2 кайык менен тартылган.

Мындан сырткары ИИМден 60 кызматкер, жергиликтүү тургундардан 40 адам издөөгө чыгышты.

"Ак-Суу районуна караштуу Михайловка айылынын Михайловка дачасында Жыргалаң суусуна 2017-жылы туулган К.М. жана 2016-жылы туулган Т.С. аттуу кыздар түшүп кеткен", - деп билдиришти министрликтен.

Автор: Азат Бейшенбеков