Бишкекте жатаканада чет элдиктерди карактоого шектелип 18-19 жаштагы үч жигит кармалды

Бишкектеги Атай Огонбаев көчөсүндөгү жатаканада чет элдик жарандарды карактоого шектүү адамдар аныкталып, камакка алынды. Бул тууралуу Ички иштер министрлигинен билдирди.

Маалыматка ылайык,13-майга караган түнү саат 02:00дө Чыгыш-5 кичи районунда топ балдар чет элдик студенттерге кезигип, тамеки сурашып, "Эмне бул жерде тамеки чегип жатасыңар?" деп тийишишкен. Уруп баштаганда чет элдик студенттер качып, өздөрү жашаган Атай Огонбаев көчөсүндөгү жатаканага кирип кеткенге үлгүрүшкөн.

Чет элдик студенттердин артынан кубалап келген топ балдар жатаканага кирип, ал жакта жашагандарды сабап, акча жана буюмдарын тартып алышкан.

Жатаканада жашаган чет элдик жарандар чогулуп, келгендерге каршылык көрсөтүп кетиргенге аракет кылып, ортодо мушташ чыккан. Мушташ жатакананын короосунда болуп, келгендер бирөөсүн таштап качып кетишкен.

Аталган окуя боюнча Кылмыш-жаза кодексинин 207-беренеси (Каракчылык) менен кылмыш иши козголуп, карактаган адамдарды аныктоого багытталган ыкчам издөө иш-чаралары жүргүзүлгөн.

Тергөөнүн жүрүшүндө жатаканада каракчылык кылган адамдар такталып, алар 2006-жылы туулган М.Н., 2005-жылы туулган Ш.Т. жана Н.Б. аттуу жарандар экендиги такталган.

Алар кармалып, убактылуу кармоочу жайга киргизилди. Учурда кылмыш иши боюнча тергөө амалдары уланууда.

Автор: Бек Оморбеков
Фото: ИИМ

18:36 20-05-2024

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Комментарийлер (2)

Asyl27

2024-05-20 18:56:00

Кыргыздар ойлонгула. Пакистандыктарга кол салып, аларды кууп чыккандын кесепетин биз өзүбүз гана тартабыз, иш каналар, билим мекемелери, кыргыз ишкерлери гана жабыркайт. Баалардын өсүшүнө да алып келет.

-1

Azat-123

2024-05-20 22:32:00

Пакистерди такыр келбесин дебейбиз, бирок калың базар кылбай жылына аз сандагы квотанын гана негизинде келиши керек, аз саз болгону жакшы

Комментарий калтыруу үчүн өз ысымыңыз менен кириңиз же каттоодон өтүңүз.