Кыргыз жарандары Казакстанда жол кырсыгына учурап, бирөө каза болду

Казакстандын Айтибий районунун Угайсын айылынын жанында кыргыз жарандарынын катышуусунда жол кырсыгы болуп, бир адам каза болду. Бул тууралуу Тышкы иштер министрлиги билдирди.

Маалыматка ылайык, 22-майда Самара-Шымкент унаа жолунун 1013-чакырымында катталган жол кырсыгында 1997-жылы туулган У.И.У. аттуу кыргыз жараны каза болгон. Ошондой эле унаадагы эки кыргызстандык 1997-жылы туулган У.У. уулу жана Ш.Э.Б. ооруканага жаткырылган.

"Алардын биринин абалы оор, экинчиси денесинен жеңил жаракат алган. Жабыр тарткандардын туугандарына бул окуя боюнча кабар берилди", - деп айтылат маалыматта.

Автор: Кылымбек Бейшеев
Фото: Интернеттен алынды