Сокулукта зордуктоого шектүү камакка алынды

Сокулук районунда зордуктоо фактысына шектүү жаран кармалды. Маалыматты Чүй облустук милициясы билдирип, шектүү убактылуу кармоочу жайга киргизилгенин айтты.

Милицияга кечээ, 1-июнда Сокулук районунун Раздольный айылында зордуктоо болгондугу тууралуу маалымат түшкөн.

Аталган факты боюнча Кылмыш-жаза кодексинин 154-беренеси (Зордуктоо) менен кылмыш иши козголгон.

Тергөө учурунда кечээ Сокулук районунун Раздольный айылынын паркында О.А. зордукталганы аныкталган. Кылмыштын изи сууй электе шектүү кармалып убактылуу кармоочу жайга киргизилди.

Учурда керектүү соттук-укуктук экспертизалар дайындалып, тийиштүү тергөө амалдары жүргүзүлүүдө.

Автор: Айжанар Рыспек кызы
Фото: Чүй ОИИББ