UFC: Ислам Махачевдин беттешинен кийин Нурмагомедов аренадан күч менен чыгарылды

Bellator уюмунун чемпиону Усман Нурмагомедов көрүүчүлөрдүн арасынан сегиз бурчтукка секирип киргени үчүн аренадан күч менен чыгарылды.

Ислам Махачев жеңишке жетер замат ал октагонго секирип кирип, жеңишти майрамдаган. Мындан улам коопсуздук кызматкерлери аны күч менен сүйрөп чыгарышкан.

"Бүгүн аны сулуулугу үчүн аренадан кылдаттык менен узатышты", - деди Махачев болгон окуяга.

Ислам Махачев менен америкалык Дастин Порье кечээ, 2-июнда АКШда беттешти. Анда орусиялык мушкер беттештин бешинчи бөлүгүндө муунтуу ыкмасы менен жеңишке жетип, чемпиондук титулун коргоп калды.

Автор: Азат Бейшенбеков