Сары-Челек көлүнө барган айдоочуга 15 миң сом айып салынды

Терезеден дене боюн чыгарып, автоээнбаштык жасоого жол берген айдоочуга 15 миң сом айып салынды. Бул тууралуу Жол кыймылынын коопсуздугун камсыздоо башкармалыгынан кабарлашты.

Жарандар Сары-Челек көлүнүн жолунда дене боюн унаадан чыгарып, коопту абалда автоээнбаштык жасап жаткандыгы боюнча видео тасманы Жол кыймылынын коопсуздугун камсыздоо кызматкерлерине жөнөтүшкөн.

Бул факты боюнча ошол замат Жалал-Абад облусунун Жол кыймылынын коопсуздугун камсыздоо кызматкерлери автоунаанын айдоочусун таап, Укук бузуулар кодексинин негизинде 15 миң сом айып салуу менен унаасын айып короо жайына киргизишкен.