Өзгөчө кырдаалдар министрлиги кыргызстандыктарга шашылыш кайрылуу жасады

Өлкөнүн айрым аймактарында күтүлүп жаткан нөшөрлүү жаан-чачынга байланыштуу сел жүрүшү күтүлөт. Бул тууралуу Өзгөчө кырдаалдар министрлиги билдирди.

ӨКМдин Кыргызгидромет кызматынын маалыматына ылайык, 3-июнь күнүнүн экинчи жарымында жана 4-июнда туруксуз аба ырайына жана күтүлүп жаткан нөшөрлүү жаан-чачынга байланыштуу Ош, Жалал-Абад, Баткен жана Ысык-Көл облустарынын тоолуу жана тоо этектериндеги райондорунда сел жүрүшү мүмкүн. Дарыяларда суунун деңгээли көтөрүлүшү күтүлөт.

"Урматтуу жарандар! Селдин, суу каптоонун алдын алуу үчүн арыктарды, суу өткөрүү түтүктөрүн жана дренаждык түйүндөрдү ар кандай таштандылардан тазалоону сунуштайбыз", - деп билдиришти министрликтен.

Автор: Азат Бейшенбеков