"Кытайдан унаа алып келип берем". Бишкекте алдамчылыкка шектүү жаран кармалды

Бишкекте алдамчылыкка шектелген жаран кармалды. Бул тууралуу Октябрь РИИБинен билдирди.

Маалыматка ылайык, 14-январда милицияга Ц.А. аттуу жаран арыз менен кайрылган. Ал былтыр 10-декабрда Б.Н. аттуу жаран ишеничине кирип, "Кытайдан унаа алып келип берем" деген убадасы менен 65 миң долларын алганын, кийин убадасын аткарбай качып жүргөнүн айткан.

Аталган факты боюнча Кылмыш-жаза кодексинин 209-беренесине (Алдамчылык) ылайык кылмыш иши козголгон.

Шектүү катары 1993-жылы туулган Б.Н. аттуу жаран кармалып, убактылуу кармоочу жайга киргизилген.

Учурда анын ушул сыяктуу кылмыш фактыларын жасоого катыштыгы бар экендиги аныкталууда.

Автор: Кылымбек Бейшеев
Фото: Октябрь РИИБ