"Баласы ооруканада". Сокулукта Volkswagen менен ЗИЛ сүзүшүп, бир адам каза болду

Сокулук районундагы жол кырсыгынан бир адам каза болду. Бул тууралуу маалыматты бүгүн, 4-июнда SUPER.KG порталына Чүй ОИИБинен тастыктады.

Маалыматка ылайык, кечээ, 3-июнда Сокулук РИИБинин нөөмөт бөлүмүнө Манас айылынын Васильевский тракт унаа жолунда жол кырсыгы болгондугу тууралуу маалымат түшкөн.

Аталган маалымат каттоого алынып, тергөөгө чейинки текшерүү иштери башталган.

Кырсык ошол эле күнү саат 17:00дө болгон. Анда аталган унаа жолдо Бишкек шаарынын 1974-жылы туулган тургуну өзүнүн Фольксваген Гольф-3 унаасы менен карама каршы тилкеде келе жаткан Сокулук районунун тургунунун башкаруусундагы Зил-130 чоң жүк ташуучу унаасын сүзгөн. Жол кырсыгынын кесепетинен Фольксваген Гольф-3 унаасынын айдоочусу окуя болгон жерде каза болгон. Ал эми унаа ичиндеги баласы ар кандай дене жараатын алып, Бишкек шаарынын №4 илимий изилдөө жана ортопедия ооруканасына жеткирилген.

Азыркы учурда тиешелүү экспертизалар дайындалып, тергөөгө чейинки текшерүү иштери жүргүзүлүүдө.

Автор: Кылымбек Бейшеев
Фото: Интернеттен алынды