"Супер-Инфо" гезити тарабынан “Жылдын супер спортчусу” деп табылган Айсулуу Тыныбекованы Дене тарбия жана спорт агенттиги "Жылдын мыктысы" деп атады (Фоторепортаж)

Кечеге бир катар спорт ишмерлери жана спортчулар келишти.

Мушкер Азат Усеналиев "Жылдын мыкты" спортчусу катары Аскар Салымбековдун колунан сыйлык алууда.

Азат Усеналиевдин машыктыруучусу Ильяс Маров жана Дене тарбия жана спорт мамлекеттик агенттигинин директору Мурат Саралинов менен...

Кечеге бир катар спорт ишмерлери жана спортчулар келишти.

Солдон-оңго: Машыктыруучу Нурбек Изабеков, кыз-келиндер күрөшү боюнча Азия чемпиону Айсулуу Тыныбекова жана Дене тарбия жана спорт мамлекеттик агенттигинин мурдагы директору Байгазы Кенжебаев.

Кыргызстан курама командасынын формасы көрсөтүлүүдө.

Айсулуу Тыныбекованын жеке машыктыруучусу Нурбек Изабеков "Жылдын мыкты машыктыруучусу" болуп табылды.

Олимпиадалык спорт түрлөрү менен алектенген спортчулардын ичинен Айсулуу Тыныбекова "Жылдын мыкты спортчусу" деп табылды.

"Казань-2013" Бүткүл дүйнөлүк универсиадасынын чемпиону Нурбек Кожобеков да сыйлык алды.

"Казань-2013" Бүткүл дүйнөлүк универсиадасынын чемпиону Нурбек Аканов улуттук спорт түрлөрү менен машыккан спортчулардын ичинен "Жылдын мыкты спортчусу" деп аталды.

Кечеге бир катар спорт ишмерлери жана спортчулар келишти.

Бул кечеде күтүлбөгөн сюрприздер болду. Дене тарбия жана спорт мамлекеттик агенттигинин директору Мурат Саралинов КРнын Эмгек сиңирген артисти Ырыскелди Осмонкулов менен дуэт аткарды.

23-декабрда КРнын өкмөтүнүн алдындагы Дене тарбия жана спорт мамлекеттик агенттиги тарабынан уюшулган Олимпиадалык кечеде 2013-жылдын жыйынтыгы чыгарылып, КРнын 2013-жылдын мыкты спортчулары аныкталды.

Олимпиадалык спорт түрлөрү менен алектенген спортчулардын ичинен Айсулуу Тыныбекова (кыз-келиндер күрөшү), Азат Усеналиев (бокс), Айбек Усупов (эркин күрөш), Игорь Дорофеев, Максим Бондарь (экөө тең гребля спорту) жана Юрий Краковецкий (дзюдо) жыл мыктысы деген наамга ээ болушту.

Ал эми олимпиадалык эмес спорт түрлөрүнөн Нурбек Аканов, Нурбек Кожобеков (экөө тең белбоо күрөшү), Кумар Жалиев, Улан Касымбеков, Сталбек Дарканбаев (баары кикбоксинг) жана Данияр Кашкараев (тайбокс) сыяктуу спортчулар мыкты аталды.

Андан тышкары улуттук спорт түрлөрүнөн мыкты делинип Нурбек Аканов (белбоо күрөшү), Анарбек Жамакеев (тогуз коргоол) жана Жышан Алсеитовдордун (көкбөрү) ысымдары аталды.

Автор: Максат Кудайбердиев
Фото: Нурдин Султамбаев