"3,3 миллион сомго форель балыгын алган". Кеминде ири алдамчылыкка шектелген жаран кармалды

Кемин районунда өзгөчө ири өлчөмдө алдамчылыкка шектелген жаран кармалды. Бул тууралуу Чүй облустук милисиясынан кабарлады.

Маалыматка ылайык, 18-июнда милицияга Кемин районунун тургуну Ш. аттуу жаранга карата чара көрүүнү өтүнүп кайрылган. Жабырлануучу ал жалпы суммасы 3 миллион 313 миң 440 сомду түзгөн 6904 килограмм форель балыгын алып, ошол бойдон изин жашырып кеткенин айткан.

Аталган факт боюнча Кылмыш-жаза кодексинин 209-беренеси (Алдамчылык) менен кылмыш иши козголгон.

Кылмышка шектүү катары 1993-жылы туулган Б.Э. аттуу жаран кармалып, тергөө абагына киргизилди.

Учурда тергөө иштери уланууда.

Автор: Бек Оморбеков
Фото: Чүй ОИИБ