"Евро-2024": Португалиянын оюнунда дагы бир сенсация болду

Грузия менен Португалия курама командалары беттешкен Европа чемпиондугунун тайпалык этабынын 3-турунун оюну аяктады. "F" тайпасынын алкагындагы жолугушуу Гельзенкирхен шаарындагы "Фельтинс-Арена" стадионунда өтүп, 2:0 эсебинде Грузиянын пайдасына аяктады.

2-мүнөттө Грузия курама командасынын чабуулчусу Хвича Кварацхелия беттеште эсепти ачты.

57-мүнөттө Микаутадзе пенальтини аткарып, командасынын эсебин экиге көтөрдү.

Ал эми 65-мүнөттө гол киргизе албаган Криштиану Роналду алмашууга кетти.

Ошентип Грузия командасы төрт упайга ээ болуп, турнирдин плей-офф баскычына өттү.

Муну менен Грузия курама командасы Европа чемпиондугунун плей-офф баскычына биринчи жолу чыкты. 1991-жылы эгемендүүлүккө ээ болгондон бери Грузиянын курама командасы Европа чемпиондугуна тандоо турнирлерине катышып, бирок бир да жолу турнирдин финалдык баскычына чыга алган эмес.