Борбордо эртеңден тарта эки троллейбус каттабай турган болду

Эртең, 29-июндан тарта Бишкекте №3 жана №8 троллейбус каттамдары убактылуу жабылат. Бул тууралуу мэрия билдирди.

Мындай чектөө Абдрахманов көчөсүнүн Бөкөнбаев көчөсүнөн Киев көчөсүнө чейинки бөлүгүндө оңдоо иштерине байланыштуу киргизилген.

Ошондой эле №4 троллейбус каттамынын кыймылы жарым-жартылай өзгөрөт.

Ага ылайык, №4 троллейбус Эт комбинатынан Москва көчөсү менен Бейшеналиева көчөсүнө чейин, андан ары Киев көчөсү, Абдрахманов көчөсү менен булгаары заводго чейин каттайт.

Автор: Айжанар Рыспек кызы
Фото: Интернеттен алынды