Үч округдагы шайлоо: Саат 14:00гө карата 10 пайыз шайлоочу добуш берди

Борбордук шайлоо комиссиясы үч округдагы (№5 Ноокат, №36 Ысык-Көл, №29 Свердлов) шайлоочулардын катышуусу боюнча маалыматты жаңылады. Ага ылайык, саат 14:00гө карата 33 миң 232 (10,67 пайыз) шайлоочу добуш берди.

Ноокат шайлоо округу боюнча 91 миң 57 шайлоочунун 14 миң 11и (15.39%);

Ысык-Көл шайлоо округу боюнча 97 миң 331 шайлоочунун 10 миң 625и (10.92%);

Свердлов шайлоо округу боюнча 122 миң 975 шайлоочунун 8 миң 596сы (6.99%) добуш берди.

Бир мандаттуу шайлоо округдары боюнча Жогорку Кеңешке депутаттарды мөөнөтүнөн мурда шайлоо бүгүн саат 8:00дө башталган, добуш берүү саат 20:00гө чейин жүргүзүлөт.

Үч шайлоо округдарында 175 шайлоо участогу ачылып, 2214 участкалык шайлоо комиссиясынын мүчөлөрү тартылган. Шайлоодо жалпы 29 талапкер ат салышууда.

Автор: Айжанар Рыспек кызы
Фото: БШК