Ташиев Париждеги Олимпиадага бара турган балбандар менен жолукту

Улуттук коопсуздук мамлекеттик комитетинин төрагасы Камчыбек Ташиев Парижде өтө турган жайкы олимпиада оюндарына катыша турчу балбандар менен жолугушуу өткөрдү. Бул тууралуу мекемеден билдиришти.

Маалыматка ылайык, УКМК жетекчиси кечээ, 30-июнда өлкөнүн грек-рим, эркин күрөш жана кыз-келиндер күрөшү боюнча курама командасынын мүчөлөрү жана машыктыруучулары менен жолугушуу өткөргөн. Анда Ташиев кыргыз балбандарына ийгиликтерди каалап, акчалай сыйлык жана белектерди тапшырган.

"Кыргызстандын грек-рим жана кыз-келиндер күрөшү боюнча курама командасы ар дайым алгылыктуу жеңиштерди тартуулап, өлкө желегин бийик желбиретип келгендигин эске алып, аларга өзгөчө көңүл буруу менен, мамлекет ар тараптуу колдоо көрсөтөрү маалымдалды", - деп айтылат маалыматта.

Автор: Кылымбек Бейшеев