Бүгүн, 1-июлда Ош-Баткен-Раззаков унаа жолу унаа каттамы чүн ачылды. Бул тууралуу Өзгөчө кырдаалдар министрлигинен билдиришти.
Маалыматка ылайык, Ош-Баткен-Раззаков унаа жолунун 63-чакырымындагы көпүрө жараксыз абалда болгондугуна байланыштуу кечээ түнү айланма жол аркылуу эки тараптуу каттам уюштурулду.
Эске салсак, кечээ, 30-июнда Ош – Раззаков унаа жолундагы 63-чакырымында жайгашкан авариялык эски көпүрөгө катуу сел келип, көпүрө кулап түшкөн.
Анда жабыркаган адамдар, техникалар катталган эмес.