Ошто "Золотая жизнь" суусундуктары сатыктан алынууда

Ош шаарындагы соода түйүндөрдөн "Золотая жизнь" аталышындагы газдалган анар суусундугу сатыктан алынууда. Бул тууралуу бүгүн, 3-июлда шаар мэриясы кабарлады.

Маалыматка ылайык, мындай чечим Ооруларды алдын алуу жана мамлекеттик санитардык-эпидемиологиялык департаментинин тиешелүү буйругунун негизинде кабыл алынган.

"Лабораториялык изилдөөлөр Ооганстандан чыгарылган суусундукта балдардын активдүүлүгүнө жана көңүл буруусуна терс таасирин тийгизген азорубин Е122 боёгу бар экенин аныктаган", - деп айтылат маалыматта.

Мэрия андыктан аталган суусундукту сатыктан алуу иштери калктын, айрыкча, балдардын ден соолугун коргоо максатында жүргүзүлүп жатканын белгиледи.

Автор: Кылымбек Бейшеев
Фото: Ош шаарынын мэриясы