Саламаттыкты сактоо уюмдарына 10 автоунаа, компьютер жана ноутбуктар тапшырылды

Медицина кызматкерлеринин кесиптик майрамына арналган салтанаттын жүрүшүндө облустук жана райондук коомдук саламаттыкты сактоо кызматтарына өлкөнүн алыскы аймактарына вакциналарды ташуу үчүн 10 автоунаа тапшырылды. Бул тууралуу бүгүн, 5-июлда аталган министрликтен билдиришти.

Буга чейин Кыргызстанда эмдөө деңгээлин жогорулатуу иш-чараларынын алкагында Вакциналар жана иммунизациялоо боюнча глобалдык альянс (ГАВИ) жана ЮНИСЕФ тарабынан Саламаттык сактоо министрлигине 16 унаа өткөрүлүп берилген.

Ага ылайык, калкты иммунизациялоо процесстерин эсепке алууну автоматташтыруу жана i-Emdoo маалыматтык системасын жайылтуу максатында Дүйнөлүк банктын “COVID-19га ыкчам чара көрүү” долбоорунун колдоосу менен республиканын саламаттык сактоо уюмдарына 200гө жакын компьютер жана ноутбуктар өткөрүлүп берилди.