УКМК "Ата Журт-Кыргызстан" партиясынын депутатын кармады

Бүгүн, 8-июлда УКМК массалык баш аламандыктарды уюштурууга жана бийликти күч менен басып алууга чакырык жасаган деген шек менен Кербен шаардык кеңешинин "Ата Журт-Кыргызстан" фракциясынын депутаты Н.Ж.К. кармалганын билдирди.

Маалыматка ылайык, ал Фейсбуктагы баракчасында чагымчыл материалдарды, анын ичинде массалык башаламандыктарды уюштурууга жана бийликти күч менен кулатууга чакырыктарды жарыялап турган деп айыпталууда.

"Кармалган жаран УКМКнын убактылуу кармоочу жайына киргизилди. Учурда тергөө иштери жүрүп жатат", - деп жазылат маалыматта.

Автор: Айпери Бакталбек кызы
Фото: УКМКнын басма сөз кызматы