Бишкектеги эки негизги көчөнүн айрым бөлүктөрү жабылат

Бишкек мэриясы калаадагы Чүй жана Абдрахманов көчөлөрүнүн айрым бөлүгү жабыларын кабарлады.

Маалыматка караганда, 11-июлда Абдрахманов көчөсүнүн Пушкин жана Жибек-Жолу проспектисинин ортосундагы бөлүгү жабылат.

Ал эми 15-июлдан тарта Чүй проспектисинин Абдрахманов көчөсүнөн Эркиндик бульварына чейинки бөлүгү жабылып, жолду капиталдык оңдоо жумуштары башталат.

Белгилей кетсек, калаа бийлиги буга байланыштуу ондон ашуун автобустун кыймылы өзгөртүлгөнүн кабарлаган.

Автор: Бек Оморбеков