"Бир үй-бүлөнүн үч кызы дайынсыз". Ошто сел агызып кеткен төрт жаран изделүүдө

Бүгүн, 14-июлда Ошто сел агызып кеткен 4 жаран изделүүдө. Бул тууралуу Өзгөчө кырдаалдар министрлигинен билдирди.

Ага ылайык, саат 14:00 чамасында жааган жаандын кесепетинен Төлөйкөн айылында жана Озгур айылынын Бөрүбай-Ата эс алуучу жайында сел жүрүп, Төлөйкөн айылындагы "Мөл-Булак" эс алуу борборунда 4 адамды сел суусу агызгандыгы тууралуу маалымат түшкөн.

Алдын ала маалымат боюнча, 44 жаштагы Д.Н. аттуу келин жана анын 19, 10 жана 6 жаштагы кыздарын суу агызып кеткен. Учурда жеринде ӨКМдин куткаруучулары издөө-куткаруу ишин жүргүзүүдө.

Мындан сырткары 500дөй адам коопсуз жайга эвакуацияланганы кошумчаланды.