Бишкекте 15 жашка чейинки кыздарга сабак берип келген медресе аныкталды

Бишкек шаарындагы "Нур" медресеси уруксат кагаздары жок мыйзамсыз иштеп келгени аныкталды. Бул тууралуу Ленин РИИБинен билдирди.

Маалыматка ылайык, 19-июлда имарат текшерүүгө алынып, 9 жаштан 15 жашка чейинки 7 кызга сабак өтүлүп келгени такталган. Бардык өспүрүмдөр ата-энелерине өткөрүлүп берилди.

Аталган мекеменин жетекчиси 1995-жылы туулган М.Ш. аттуу жаран экени аныкталып, ага Укук бузуулардын 142-беренесинин (Дин тутуу эркиндиги жана диний уюмдар жөнүндө мыйзамдарды бузуу) негизинде 7500 сом айып салынган.

Автор: Кылымбек Бейшеев
Фото: Ленин РИИБ