Токтогул РЭТинде трансформаторлор күз-кыш мезгилине даяр экени маалымдалды

Токтогул райондук электр тармактарында 199 трансформатор күз-кыш мезгилине даяр болуп, 411 чакырым аба чубалгысы техникалык тейлөөдөн өткөрүлдү. Бул тууралуу Энергетика министрлигинен билдиришти.

Ага ылайык, Жалал-Абад электр тармактар ишканасынын Токтогул РЭТинин балансында 542 даана трансформатор болсо, анын 429 даанасын быйылкы жылга техникалык тейлөөдөн өткөрүү мерчемделген.

Ал эми 149 чакырым 10-0,4 кВ аба чубалгысын оңдоп-түзөө мерчемделсе, анын 49 чакырымы бүткөнү айтылат.

"35 даана эскилиги жеткен жыгач мамычалар темир-бетон мамычаларга алмаштырылды.

Мындан тышкары 14,3 чакырым 10-0,4 кВ аба чубалгысы алмашып, 361 мамыча орнотуу менен жаңы аба чубалгылары курулат.

Муну менен катар жергиликтүү айыл аймактар менен тыгыз байланышта иш алып барып, муктаж болгон айылдарда 537 даана темир-бетон мамыча орнотушту", - деп жазылат анда.

Токтогул РЭТи 7 бөлүмдөн туруп, 19 миң 189 керектөөчүнү тейлейт. Анда 147 кызматкер эмгектенери маалымдалат.

Автор: Каныкей Амантаева
Фото: Энергетика министрлиги