Оштогу митингде кармалган 4 адам бошотулду

Ош шаарындагы нааразычылык акциясында кармалган 4 жаран бошотулду. Бул тууралуу маалыматты бүгүн 23-июлда шаардык милициянын басма сөз кызматы тастыктады.

Алар кечээ профилактикалык сүйлөшүүлөрдөн кийин коё берилген.

Белгилей кетсек, кечээ шаардагы соодагерлер борбордук базарды башка жакка көчүрүүнүн мөөнөтүн жылдыруу талабы менен акцияга чыгышкан. Милиция алардын арасынан 4 жаранды "башкаларды башаламандыкка чакырып жатат" деген маалыматтан улам кармаган.

Автор: Кылымбек Бейшеев
Фото: Ош шаарынын мэриясы