Кесиптик окуу жайлардын жетекчилик кызматына сынак жарыяланды (талаптар)

Өлкөдө 17 кесиптик лицейдин, 2 кесиптик окуу жайдын жана бир колледждин директорлорунун бош кызмат орундарына сынак жарыяланды. Бул боюнча Билим берүү жана илим министрлиги кабарлайт.

Анда айтылгандай, талапкерлер документтерин 1-августтан 14-август, саат 18:00гө чейин тапшырышы керек.

Талапкерлерге квалификациялык талаптар:

жогорку кесиптик билиминин болушу;
билим берүү чөйрөсүндө же окуу жайдын профили боюнча 5 жылдан кем эмес иш тажрыйбасы;
Кыргыз жараны.

Сынактык тандоого катышуу үчүн керектүү документтер:

Арыз;
Жарандык паспорттун көчүрмөсү;
Кадрларды эсепке алуу бобюнча толтурулган өздүк баракча (иш жүзүндө жашаган жеринин дареги жана телефондорун көрсөтүү менен);
Резюме (электрондук дарегин көрсөтүү менен), өмүр баян (соттолгондугу же соттолбогондугу тууралуу маалыматты көрсөтүү менен);
Белгиленген тартипте күбөлөндүрүлгөн билими жөнүндө документтин көчүрмөсү (нотариалдык же иштеген жериндеги кадр кызматы тарабынан);
Белгиленген тартипте күбөлөндүрүлгөн эмгек китепчесинин көчүрмөсү (нотариалдык же иштеген жериндеги кадр кызматы тарабынан);
Кыргыз Республикасынын ИИМ тарабынан берилген соттолбогондугу жөнүндө маалымкат;
3*4 өлчөмүндөгү 2 сүрөт;
Белгиленген окуу жайды өнүктүрүү боюнча перспективалык иш планы;
Дело №.

Сынак жарыяланган окуу жайлардын тизмеси.

Документтерди кабыл алуу төмөнкү дарек боюнча жүргүзүлөт: Бишкек шаары К. Тыныстанов көчөсү 257. Билим берүү жана илим министрлиги, 219-кабинет.

Автор: Айжанар Рыспек кызы
Фото: Интернеттен алынды