Милиция сегизинчи кабаттан секирүүгө аракет кылган жаран тууралуу маалымат берди

Бишкекте сегизинчи кабаттан секирип, өз жанын кыюуга аракет кылган жарандын окуясы боюнча тергөөгө чейинки текшерүү иши башталды.

Ленин райондук ички иштер бөлүмүнөн билдиришкендей, милицияга бүгүн саат 9:29дар чамасында көп кабаттуу үйдүн 8-кабатынан секирүүгө аракет кылып жаткан жаран тууралуу маалымат түшкөн.

Аталган факт маалыматтардын электрондук журналына катталган.

Окуя болгон жерге ыкчам-тергөө тобу барганда өз жанын кыюуга аракет кылган жаран 2005-жылы туулган Р.М. экендиги аныкталган.

Учурда текшерүү иштери жүрүп жатат.

Автор: Айпери Бакталбек кызы
Фото: ӨКМ