Камала Харрис расмий түрдө АКШ президенттигине талапкер болду

Камала Харрис Демократиялык партиядан АКШнын президенттигине расмий түрдө талапкер болду. Бул тууралуу ал Филадельфиядагы тарапташтары менен болгон жолугушууда сүйлөп жатып билдирди.

Анда Харрис Тим Уолзду вице-президенттикке талапкер кылып көрсөткөнүн чет элдик басылмалар жазышууда.

Эске салсак, 21-июлда президент Жо Байден алдыда боло турган президенттик жарыштан баш тартканын жар салып, ордуна Харристин талапкерлигин сунуштаган.

АКШда президенттик шайлоо 5-ноябрда өтөт.

Республикачылардын партиясынан расмий талапкер катары мурдагы президент Доналд Трамп көрсөтүлгөн.

Автор: Айпери Бакталбек кызы