Бишкекте электр чубалгылары оңдоодон өттү

Энергетиктер Бишкектеги 332 чакырым жогорку чыңалуудагы электр чубалгыларын оңдоодон өткөрүштү. Бул тууралуу бүгүн, 12-августта Энергетика министрлигинен кабарлады.

Маалыматка ылайык, ушул жылга 3573 даана фарфор жана сынган изоляторлорду айнек изоляторлорго алмаштыруу иштери пландаштырылган. Алардын ичинен 2033 даанасы алмаштырылды.

"552 чакырымдан ашык аба чубалгыларын оӊдоо иши мерчемделген, 332 чакырымы утурумдук оңдоо ишинен өттү. Ал эми 41 чакырым аба чубалгылгысына капиталдык оңдоо иштери жүргүзүлдү.

Ошондой эле энергетиктер электр чубалгылары өткөн жол боюндагы дарактардын бутактарын кыюуда. Бүгүнкү күндө 1234 дарак кыйылып бүттү", - деп жазылат анда.