Ошто автомектептин мугалими пара алууга шектелип кармалды

Ош шаарында автомектептин кызматкери пара алууга шектелип кармалды. Бул тууралуу бүгүн, 14-августта Ички иштер министрлигинен билдиришти.

Маалыматка ылайык, милицияга 1996-жылы туулган Т.А. аттуу Ош шаарынын тургуну арыз менен кайрылган. Анда ал 5-августта автомектепте мугалим болуп иштеген Д. аттуу аял "экзаменден ийгиликтүү өткөрүп, айдоочулук күбөлүк алып берем" деп 50 миң сом пара талап кылганын айткан.

Бул факты боюнча Кылмыш-жаза кодексинин 208-беренесинин 1-бөлүмүнүн негизинде кылмыш иши козголгон.

Ыкчам иш-чаралардын натыйжасында 13-август күнү Д.С. аттуу мугалим 40 миң сом өлчөмүндө акча каражатын алып жаткан жеринен кармалды.

Учурда тийиштүү экспертизалар дайындалып, тергөө иштери жүргүзүлүүдө.

Автор: Айпери Бакталбек кызы
Фото: ИИМ