Өзгөндө жер тилкесин мыйзамсыз берген мурдагы мамлекеттик кызматкер кармалды

Ош облусунун Өзгөн районунда мурдагы мамлекеттик кызматкер кармалды. Бул тууралуу облустук милициядан билдиришти.

Маалыматка ылайык, баасы 14 миллион сомду түзгөн 1,5 гектар жер тилкеси жеке менчикке мыйзамсыз берилип кеткендиги аныкталган.

18-августта шектүү катары Кадастр мамлекеттик мекемесинин директорунун мурунку орун басары 1967-жылы туулган Б.А. жана Өзгөн шаарынын 1965-жылы туулган М.С. аттуу тургуну кармалып, алар убактылуу кармоочу жайга киргизилди.

Учурда кылмышка тиешеси бар башка жарандарды аныктоо боюнча тергөө иштери уланууда.

Автор: Айпери Бакталбек кызы