Министр Токтогул ГЭСинин күз-кыш мезгилине болгон даярдыгын көрдү

Энергетика министри Таалайбек Ибраев Жалал-Абад облусуна болгон иш сапарынын алкагында Токтогул жана Үч-Коргон ГЭСиндеги аткарылып жаткан иштерди текшерди. Бул тууралуу бүгүн, 22-августта министрликтен билдирди.

Маалыматка ылайык, министр алгач Токтогул ГЭСинин 1-гидроагрегатын реконструкциялоо ишин текшерип, учурда модернизациялоонун 65 пайызы бүткөнүнө күбө болду. Тийиштүү жетекчилер аткарылып жаткан иштер тууралуу маалымат берип, күз-кыш мезгилине чейин гидроагрегат 100 пайызга даяр болорун билдиришти.

Мындан тышкары Ибраев Үч-Коргон ГЭСинин 4-гидроагрегатынын реконструкциялоо иштерин жана күз-кыш мезгилине болгон даярдыгын көрдү. Анда ГЭСтин башкы директору 4-ГАнын модернизациялоо иши 55 пайызы бүткөнүн билдирди.

Министр аталган ГЭСтердин жетекчилерине оңдоп-түзөө иштери график боюнча өз убагында бүтүшү керектигин эскерткен.

Автор: Каныкей Амантаева
Фото: Энергетика министрлиги