Өлкөдөн унаа менен көмүр ташып чыгууга убактылуу чектөө киргизилиши мүмкүн

Кыргызстандан көмүрдү автомобиль транспорту менен ташып чыгууга алты айлык мөөнөткө убактылуу тыюу салуу киргизилет. Мындай токтомду Министрлер кабинети коомдук талкууга алып чыкты.

Маалымдалгандай, чектөөлөргө “Эркеч-Там” жана “Торугарт” унаа өткөрүү пункттары кошулбайт. Жана да Энергетика министрлигине караштуу “Кыргызкөмүр” мамлекеттик ишканасына жайылтылбайт.

“Токтом ички рынокто катуу отундун жетишсиздигин алдын алуу жана өлкөнүн энергетикалык коопсуздугун камсыздоо максатында чыккан”, - деп айтылат аныктамада.

Эгер токтом кабыл алынса 2024-жылдын 20-сентябрынан тартып күчүнө кирет. Мындай чектөө өткөн жылы да орун алган.

Автор: Замира Ниязбекова