Бишкекте №8 троллейбус каттамы ишин жандантат

Бишкек шаарында эртең, 27-августтан тарта №8 троллейбустук каттам кыймылын жарым-жартылай өзгөртүү менен ишин жандантат. Ал Ак-Өргө конушунан Мамлекеттик циркке чейин каттайт.

Мэриядан билдиргендей, №4 автобус каттамынын акыркы аялдамасы Келечек жаңы конушуна чейин узартылды. Маршруттун калган бөлүгү өзгөрүүсүз калтырылды.

Оңдоо иштерине байланыштуу №7 троллейбустук каттам убактылуу жабылат.

Мындан тышкары маршруттук тармакты оптималдаштыруу максатында №222 автобустук каттамдын кыймыл схемасы жарым-жартылай өзгөртүлдү.

Автор: Айжанар Рыспек кызы
Фото: Интернеттен алынды