Сокулукта 10 жаштагы кызын кошунасына таштаган боюнча кайтып келбеген аял изделип жатат

Чүй облусунун Сокулук районунда 39 жаштагы Инна Козлова изделүүдө. Бул тууралуу облустук милициядан билдиришти.

Маалыматка ылайык, милицияга 19-августта арыз келип түшкөн. Анда 17-август күнү Военно-Антоновка айылында 39 жаштагы аял 10 жаштагы кызын кошунасына таштап кеткен боюнча кайра кайтып келбегени айтылат.

Аталган факт Сокулук райондук ички иштер бөлүмүндө катталып, тергөөгө чейинки текшерүү иштери башталды.

Белгилери: бою 165-170 сантиметр, чачы кара түстө, дене түзүлүшү орто.

Кийген кийими: сезонго жараша кийинген.

Милиция көргөн-билгендер болсо 0312 60-75-67, 0313 45-33-80 (нөөмөт бөлүмү), 0701 80-18-03 номурларына кайрылууну суранат.

Автор: Айпери Бакталбек кызы