Журналист жана блогерлер арасында республикалык сынак жүрүп жатат

Билим берүү жана илим министрлиги “Мектеп тамак-ашы: келечекке кам көрүү” темасында журналист жана блогерлер арасында республикалык сынак жүрүп жаткандыгын эскертет.

Министрликтен билдиргендей, аталган сынак Орусиянын Тармактык тамактануу институтунун колдоосунда өтүүдө. Сынак 20-июнда башталган.

Конкурстун максаты – мектеп окуучуларынын тамак-ашы темасына коомдун, ата-энелердин көңүлүн буруу, маселелерди талкуулоо жана мектеп тамак-ашынын Улуттук программасы жөнүндө билимдерди жайылтуу.

Сынак жөнүндө маалыматты төмөнкү сайт аркылуу билсе болот.

https://edu.gov.kg/posts/3117/

Катышуу үчүн 21-октябрга чейин журналисттер жана болгерлер Google форманы толтуруп же schoolmealsawards@gmail.com электрондук дарегине материалдарды жиберсе болот.

Автор: Каныкей Амантаева