КВНчи Аким Карасаевдин сүйлөшкөн кызы колун сурады (видео)

"Азия MIX" командасынын оюнчусу Аким Карасаевдин жаңы тасмасынын жабык көрсөтүүсүндө сүйлөшкөн кызы колун сураган видео социалдык тармактарда тарады. Анда ал тизелеп отуруп, жигитинин макулдугун алгандан кийин гүл бергенин көрүүгө болот.

Видеодо көрүнгөндөй залда отурган эл кыздын жоругун кубаттап, колдоого алышкан. Ал эми социалдык тармактарда аларга бакыт каалагандар билдирүү калтырышкан.

Кактус медиа Аким Карасаевге байланышып, ал үчүн күтүүсүз болгонун, пранк эместигин билдиргенин жазды. Видео социалдык тармактарда кызуу талкууга алынды.