Петропавловкада көчөдө адамдын жансыз денеси табылган. Милиция аял кишини кармады

Жайыл районунда адам өлтүрүүгө шектүү жаран кармалды. Бул тууралуу Чүй облустук ички иштер башкармалыгынан билдиришти.

Милициянын маалыматына ылайык, 29-август күнү саат 20:26 чамасында Жайыл РИИБине Петропавловка айылындагы даректердин биринде 45-50 жаштардагы киши денесиндеги жаракаттары менен жолдун жээгинде жаткандыгы боюнча билдирүү келип түшкөн.

Бул билдирүү Жайыл РИИБинин маалыматтардын электрондук журналына катталып, ыкчам тергөө тобу дароо жөнөп кеткен.

Териштирүү иштеринин жүрүшүндө 45-50 жаштардагы азиат улутундагы жарандын киши колдуу болгондугу аныкталып, маркум 1960-жылы туулган К.Б. аттуу Суусамыр айылынын тургуну экендиги такталган.

Бул факт боюнча кылмыш ишин козгогон.

Жүргүзүлгөн ыкчам издөө иш-чараларынын жүрүшүндө, жогорудагы кылмышка шектелип 1968-жылы туулган Л.Р. аттуу жаран кармалып, убактылуу кармоо жайына киргизилген.

Учурда бул кылмыш иши боюнча керектүү экспертизалар дайындалып, тергөө амалдары жүргүзүлүүдө.

Автор: Азат Бейшенбеков