Бишкектеги "Ала-Тоо" аянтында үч күн катары менен музыкалык кече өтөт

Бишкекте 2-3-4-сентябрь күндөрү борбордук "Ала-Тоо" аянтында “Күз кайрыктары” аттуу музыкалык кечелер өтөт. Бул тууралуу маалыматты Маданият министрлиги жарыялады.

Музыкалык кечелердин программасы:

2-сентябрь саат 19:30 Малдыбаев атындагы Кыргыз улуттук академиялык опера жана балет театрынын концерти;

3-сентябрь саат 19:30 Т.Сатылганов атындагы Кыргыз улуттук филармониясынын фольклордук топторунун концерти;

4-сентябрь саат 19:40 Т.Сатылганов атындагы Кыргыз улуттук филармониясынын жыйынтыктоочу эстрадалык концерти болот.

"Аталган музыкалык иш-чара күз мезгилинин атмосферасын музыканын жана искусствонун сыйкырдуулугу менен айкалыштырылган маданий кече", - деп айтылат маалыматта.

Автор: Бурул Турусбекова