"17 миң сом айып пул салынды". Бишкекте медициналык каражаттардын калдыгын таштагандар аныкталды

Бишкектеги медициналык жайлар, дарыканалар тарабынан медициналык каражаттардын калдыгын таштанды таштоочу урнага таштаган фактылар аныкталып келет. Бул тууралуу бүгүн, 2-сентябрда Муниципалдык инспекциядан билдиришти.

Ага байланыштуу Муниципалдык инспекция буга чейин дагы бир катар фактыларды аныктап, эреже бузгандарга чара көргөн.

"Бишкектин 5-кичи районунда жайгашкан "Бидмед Фарм" аталышындагы дарыкана тарабынан медицина калдыктары атайын пакеттерге салынып таштанды таштоочу контейнердик аянтчага ташталганы аныкталды", - деп айтылат маалыматта.

Инспекторлор эреже бузууну жеринде аныктап, аталган дарыканага "Укук бузуулар жөнүндө" кодексине ылайык 17 миң сом айып салышты.