Искусство университетинде 2 жылдык адабий курс ачылды

Бишкектеги Б.Бейшеналиева атындагы Маданият жана искусство университетинин базасында 2 жылдык жогорку адабий курс ачылды. Анда акын, жазуучу, сынчы, котормочулар даярдалат.

Институттун маалымат кызматы билдиргендей, курска адабиятка кызыккан, жогорку жана кесиптик орто билими бар бардык каалоочулар окуй алышат. Кабыл алуу өнөктүгү башталган курста:

Академик, профессорлордун, практик акын-жазуучулардын лекциялары;
Мастер класстар;
Машыгуу сабактары;
Талкуулар;
Жолугушуулар, лекциялар;
Презентациялар болот.

Демилге президент Садыр Жапаровдун колдоосу менен ишке ашырылып жатканы белгиленди. Толук маалыматты төмөнкү номерлерден: 0990 556 375, 0700 378 811 алса болот.

Автор: Айжанар Рыспек кызы
Фото: Интернеттен алынды