Улан Ниязбеков Кытайда коомдук коопсуздук боюнча форумга катышууда

Ички иштер министри Улан Ниязбеков Кытайдын Ляньюньган шаарында коомдук коопсуздук жаатындагы кызматташтык форумуна катышууда. Бул тууралуу министрликтен бүгүн, 9-сентябрда билдиришти.

Аталган форумдун алкагында ИИМдин башчысынын башка мамлекеттердин укук коргоо органдарынын жетекчилери менен эки тараптуу жолугушуулары мерчемделген.

Андан тышкары Ниязбековдун коомдук коопсуздук жана ички иштер министрлеринин “Кытай – Борбордук Азия” форматындагы биринчи жыйынына катышуусу пландалган.

Укук коргоо органы министр форумга Кытайдын Коомдук коопсуздук министри Ван Сяохундун чакыруусу менен барганын белгилешти.

Автор: Айжанар Рыспек кызы
Фото: ИИМ