Ала-Арчага келген казакстандык турист бутун сындырып алды

Ала-Арча капчыгайына келген турист бутун сындырып алып, ага куткаруучулар жөнөтүлдү. Бул тууралуу Өзгөчө кырдаалдар министрлигинен маалымдашты.

Окуя 9-сентябрь күнү болгон. Анда министрликке Аламүдүн районундагы Ала-Арча капчыгайынан түшүп келе жаткан 5 туристтин бири бутун сындырып алганы тууралуу маалымат түшкөн.

Жерине саат 16:00дө 5 куткаруучу тартылган.

"Куткаруучулар токтобостон 10-сентябрга караган түнү деңиз деңгээлинен болжол менен 2800 метр бийиктиктеги тоодон атайын шаймандардын жардамы менен 1988-жылы туулган Т.А. аттуу аял кишини алып түшүп, күндүз саат 14:25те "Тез жардам" кызматкерлерине өткөрүп беришкен.

Аталган турист Казакстан Республикасынын жараны болгон. Ал эми калган 4 турист жабыркаган эмес", - деп билдиришти ӨКМден.

Автор: Азат Бейшенбеков