Бишкектеги тыгындан кийин аялдамага жетпей токтогон автобустарга дагы айып салына баштады

Бишкекте аялдамаларга жетпей токтогон автобустарга жана унааларга эскертүүсүз айып протоколдору толтурулат. Бул боюнча Милициянын кайгуул кызматы бүгүн, 11-сентябрда кабарлады.

Мындай чара унаа тыгындарын алдын алуу максатында каралган.

"2-сентябрдан 8-сентябрга чейин транспорт каражаттарынын токтоп туруусуна тыюу салган эрежени аткарбаган жана автобустардын аялдамага токтоосуна тоскоолдук жаратып токтогон 3960 айдоочуга айып протоколдору толтурулду", - деп билдиришти мекемеден.

Кайгуул кызматы айдоочуларга жол эрежесин так сактап, ылдамдыкты ашырбай айдоону эскертти.

Автор: Айжанар Рыспек кызы
Фото: Кайгуул кызматы